Абитуриентлар ва 1 август имтиҳонлари ҳақида хотиралар

Ўзимнинг ҳам 1 августга оид хотираларим жўшиб кетди, айрим изоҳларга жавоб бермоқчиман:

Abdulhamid Akbarov:
2016-yil 1-avgust boshqa 1-avgustlardan boshqacha boʻlgan. Buni oʻsha kuni test topshirganlar biladi. Kirish imtihonlari tarixida eng qiyin savollar, yana ham 36 ta savoldan birortasi eski yildagilarni takrorlamagan, butunlay yangilangan variantlar edi. Matematikada ayniqsa mantiqqa toʻgʻri kelmaydigan, lekin formula orqali ishlasa boʻladigan savollar tushgandi. Ammo Allohga shukr, shu yili shunday qiyinchilik bilan boʻlsa-da davlat budjeti asosida oʻqishga kirganmiz. Yaqinda oʻqishni bitiramiz ham(((

2015-2017 йиллар ҳақиқатдан жуда расво саволлар тушган. Нима учун саволларни қийин қилишганига мана бу ерда изоҳ беришга ҳаракат қилганман.

Дилфуза:
1-август кизимни тугилган куни, у хам бу йил абитуриент; 1-август, 2015 йил углим имтихон топширган ва барча коррупционерларни енгиб грантга укишга кирган, бу йил магистратурага худо хохласа, лекин хакконий булармикан?!

Қизингизнинг умри узоқ бўлсин, имтиҳонда ҳам омадини берсин, илоҳим. Ўғлингизга келсак, минг афсуски магистратурада катта ўзгаришлар йўқ. Минг афсус...

Dilnoza:
Manam 10 yil oldin imtihon topshirgandim va o’sha kuni turmush o’rtog’im bilan tanishib qolganman. O’qidik, bitirdik, Xudoga shukur ginekologman hozir

Илоҳим, бахтли бўлингизлар!

Zohid:
Kirish imtihonlari orqasidan kimlardir mashina kimlardir uy (lar) oldi. Kimlardir shaxsiy klinikalar qurib tashadi...
Avvallari qingir yul bn oqishga kirganlar ham hozirda yaxshi ishlab yurganlari ham bor mayli bular otib ketdi
Lekin shunchalik shaffoflik bolsa ham OTMlarga kallasi bom bosh talabalar qayerdan kelib qolayotgan ekana

Қаердан бўларди, мактаб ва коллежлардан. Кўп бор таъкидлаганман, шаффоф ва адолатли кириш имтиҳонлари фарзандларимизни билимли қилиб қўймайди. У шунчаки саралайди холос. Асосий билимни халқ таълим беради. Мана бу ерда шунга оид айрим фикрларим бор.

Hamid Sobirov:
25 yilda bakalvr imtihonini adolatli qildik. Nahotki magistratura va ordinatura uchun yana 25 yil kutsak

Оғриқли мавзу. Нафақат магистратура, балки ижодий имтиҳон асосида бўладиган синовларга ҳам озззззгина сиёсий ирода етишмаяпти. Жуда ва жуда кўп эътирозлар ҳалиям мавжуд.

Medincinae Doctor:
10 yil oldin,birinchi marta imtixon topshirgan edim.qiziqishda imtixon vaqti miyaga foyda deb "plitochniy" shokolad olgandim.tekshiruvda o'tayotganda,shokoladni nima bu deb,ezib ezib plastilin qvorishgandi.keyin,yegani ko'nglim chopmagandi...oradan shuuncha vaqt o'tdi, doktorman, reanimatolog-anesteziolog, alhamdulillah!!!

Ташқарида даҳшатли текширув бўларди, лекин ичкарида барибир ҳаммани қўлида телефон, ҳаттоки бемалол севган қизи билан соатлаб гаплашса бўларди )) Омадингизни берсин, халқимиз саломатлиги йўлида чарчаманг!

Mona:
O'qituvchi bo'lganligim sababli bizni 1-avgustda kuzatuvchi auditoriya rahbari qilib qoyishgan.Lekin usha yerda abituriyentlarni kuzatish davomida ko'pgina boshqa narsalargayam guvoh buganman.MXX hodimlarini uzlari test savollarini olib chiqib ketib ishlatib olib kirib berishar edi.vijdonim qiynalgan.

No comment…

Дурдона:
Xushnud aka o'zgarish bo'lyabti deysizu lekin hali ham "ilojini" qilayotganlar bor.Aytishadiku было,есть.будет deb.

Бундайлар ҳар макон ва ҳар замонда бўлади. Ўша биз ҳавас қиладиган ғарбда ҳам 1-2 та ҳолатлар бўлиб туради. 100 фоизлик натижага интилмаслик керак, буниси барибир бефойда. Асосий мақсад, коррупция ва қинғирлик даражасини минимумга тушириш бўлиши керак, менимча. Ноль қилишга интилиш аксинча зарарга ишлаши мумкин.

👉 @xushnudbek 👈