Ноқонуний бойиган давлат хизматчиларига жазо белгиланмоқда

Ноқонуний бойиган давлат хизматчисига жазо

Янги таҳрирдаги Жиноят кодекси лойиҳасида ноқонуний бойиганлик учун жиноий жавобгарлик белгилаш таклиф қилинмоқда.

Унга кўра, давлат хизматчисининг даромад ва мол-мулк декларациясида назарда тутилганидан ортиқ пул маблағлари ёки мол-мулкка ноқонуний эга бўлиши ёки шундай мулкни орттириши анча миқдорда содир этилган бўлса, –

базавий ҳисоблаш миқдорининг юз бараваридан икки юз бараваригача жарима ёки уч йилгача иш ҳақидан ушлаб қолиш билан жазоланади.

Бу нима дегани?

Яқин йилларда давлат хизматчилари мол-мулкини декларация қилишига оид тартиб жорий этилиши кутилмоқда. Агар шундай бўлган тақдирда, қайсидир давлат хизматчиси декларацияда кўрсатган мулкидан кўпроқ мулкка ноқонуний эга бўлган бўлса, унда унга юқоридаги жазолар қўлланиши мумкин.

Аммо бу ерда миқдор ҳам муҳим. Яъни фарқ анча миқдорда бўлиши керак. Анча миқдор - 24,5 млн сўмдан бошланади. Демак, декларациядаги фарқ 24,5 млн сўмдан кам бўлса, унда жиноий жавобгарлик юзага келмайди.

Янги таҳрирдаги кодекс лойиҳаси мана бу ерда муҳокама қилинмоқда:
https://regulation.gov.uz/uz/d/29646

👉 @xushnudbek 👈