Тошкентда Diplomat university очилиши мумкин

“Diplomat university” номли университет очилиши мумкин

Норматив-ҳуқуқий ҳужжатлар лойиҳалари муҳокамаси порталига жойланган Ҳукумат қарори лойиҳасига кўра Тошкентда янги «Diplomat university» номли хусусий университет очилиши мумкин.

Университетда иқтисодиёт, ахборот технологиялари, ҳуқуқшунослик ва халқаро муносабатлар йўналишларида таълим берилиши кўзда тутилган.

Шунингдек, «Diplomat university»га «The times higher education» ТОП-1000 рейтингига киритилган чет эл университетларининг Ўзбекистондаги филиалини очиш ҳуқуқи берилади.

Лойиҳада, университет битирувчиларига республикада олий маълумот тўғрисидаги ҳужжат сифатида эътироф этиладиган диплом берилиши айтилади.

Агар ушбу қарор тасдиқланадиган бўлса, фуқаро Дилшод Сайдаменов таъсисчилигидаги «Diplomat university» МЧЖ 2022 йил 1 августга қадар барча турдаги солиқларни тўлашдан озод қилиниши мумкин.

👉 @xushnudbek 👈