Вазирлар Маҳкамаси лотин ёзувидаги бланкларга ўтди
Лотин ёзувидаги Ҳукумат бланки
Охирги постимдан кейин бир нарса эътиборимни тортди. Бу ҳам бўлса, Вазирлар Маҳкамаси қарорининг лотин ёзувидаги бланкда чиққанлиги.
Илгари сира бундай бланкка кўзим тушмаган экан ёки кўзим тушган бўлса ҳам, эътибор бермаган эканман. Қизиққанимдан, Lex.uz порталидаги барча ВМ қарорларини кўриб чиқишни бошладим.
Маълум бўлдики, Вазирлар Маҳкамаси 26 июлдан бошлаб лотин ёзувидаги бланкдан фойдаланишга ўтган экан. Гарчи қарорларнинг матни тўлиқ кирилл ёзувида бўлса ҳам, ҳар ҳолда Ҳукуматнинг расмий бланклари лотин ёзувига ўтгани ҳам катта ишдай туюлади менга.
Балки лотин алифбоси ислоҳотидан кейин "лотинлаштириш" жадалроқ кечар. Ким билсин.
Ҳа, айтганча, Қонунлар, Президент фармони ва қарорларининг бланклари ҳалиям кирилл ёзувида бўлиб турибди, лотинга ўтгани йўқ.
Каналга уланиш: 👇
https://t.me/joinchat/AAAAAEe1KDC7Hm03UPVooQ