Банк кассирларининг оғир иш тартиби ва оилавий танлови

Кассир аёллар суҳбати

Телеграмдаги "Банк ва мижоз" каналидаги постни ўқиб, ўтган ҳафта ўзим гувоҳ бўлган бир воқеа эсимга тушиб кетди.

Ёдингизда бўлса, яқинда электрон имзомни янгилаш учун Давлат хизматлари марказига борганимни ёзгандим. Тўлов қилиш учун кассага чек ёзиб беришди (тезроқ онлайн тўловлар ишга тушса яхши бўларди, кассада навбат катта). Кассага бориб, навбатим келишини кутиб турдим. Шунда кассир аёлнинг таниши билан (у мижоз эди) суҳбати қулоққа чалинди.

- Ростдан кетяпсизмией?
- Ҳа, аризамни ёздим, кетишим аниқ бўлди.
- Нега, ишингиз яхши эдику.
- Э, нимаси яхши, кечқурун 1-2 гача пул санаймиз, баъзан 3-4 гача ҳам қолиб кетамиз. Буёқда болалар тарбияси қолиб кетяпди, уларни деярли кўрмаяпман ҳам. Дадаси ҳам "ишингни йиғиштир, фарзандларга қара" дедилар, шунга ариза ёздим.

Ёнидаги ёш кассир қиз суҳбатга қўшилди (кўринишидан ҳали турмушга чиқмаган):
- Мана, бугун мени чақиришяпти, кечқурун 2 гача пул санасак керак.

Бу суҳбатни эшитиб, ичимдан зил кетдим. Лекин фарзанд тарбиясини устун қўйган ўша кассир опага жуда ҳурматим ошди. Фақат биттагина савол қийнайди: энди уларнинг рўзғори моддий томондан қийналмасмикин... Ким билсин, Аллоҳ турмуш ўртоғининг топишига барака берсин, деб дуодаман.

Каналга уланиш: 👇
https://t.me/joinchat/AAAAAEe1KDC7Hm03UPVooQ