Давлат хизматларини исталган ДХМда олиш мумкин бўлди
1 апрелдан бошлаб давлат хизматларини исталган ДХМда олишингиз мумкин. Прописка сўралмайди
Жисмоний ва юридик шахслар жорий йилнинг 1 апрель санасидан бошлаб экстерриториал тамойил бўйича, яъни исталган ҳудуддаги Давлат хизматлари марказларига мурожаат қилиб хизматлардан фойдаланишлари мумкин.
Маълумот учун: давлат хизматлари олишнинг экстерриториал тамойили – бу фуқаролар доимий (вақтинча) рўйхатдан ўтган жойидан ва юридик шахслар почта манзилидан (жойлашган еридан) қатъий назар, исталган ҳудуддаги ДХМга мурожаат қилиш имконияти ҳисобланади.
Мисол учун, Тошкент шаҳрида фаолият юритишни мақсад қилган тадбиркор Самарқанд вилоятидаги марказлардан туриб ҳам рўйхатдан ўтиши мумкин.
Аслида 15 февралдаги Президент қарорига биноан, мазкур қулайлик 1 июндан ишга тушиши керак эди, лекин Давлат хизматлари агентлигининг маълум қилишича, муддат келишини кутмасдан, тезроқ жорий қилишибди.
Яхши янгиликлар кўпаяверсин.
Каналга уланиш: 👇
https://t.me/joinchat/AAAAAEe1KDC7Hm03UPVooQ
