Ўзбекистонда қатор эксклюзив ҳуқуқ ва имтиёзлар бекор қилинди

“Тадбиркорлик муҳитини яхшилаш ва хусусий секторни ривожлантириш орқали барқарор иқтисодий ўсиш учун шарт-шароитлар яратиш борасидаги навбатдаги ислоҳотлар тўғрисида”ги Президент фармони имзоланди.

Унга кўра, 2022 йил 1 июлдан бошлаб божхона божлари бўйича имтиёзлар фақатгина Ўзбекистон Республикаси қонунлари билан берилади. Бунда, Тариф ва нотариф тартибга солиш кенгаши хулосаси олиниши мажбурий ҳисобланади.

Шунингдек, фармон билан қуйидаги эксклюзив ҳуқуқ ва имтиёзли мақомлар бекор қилинмоқда:

➖Ҳайдовчи ва ҳайдовчиликка номзодларни транспорт воситасини бошқаришга лаёқатлигини текшириш учун тиббий кўрикдан ўтказиш билан лицензияси бор хусусий тиббиёт муассасалари ҳам шуғулланишига рухсат берилади (август).

➖Ҳарбий контингентнинг, солиқчиларнинг мажбурий давлат суғуртаси “Ўзбекинвест” суғурта компанияси томонидан амалга оширилиши ҳақидаги эксклюзив ҳуқуқ бекор қилинади (июнь).

➖Қишлоқ жойларда бош режаларни тузишдаги “Қишлоққурилишлойиҳа” МЧЖнинг эксклюзив ҳуқуқи бекор қилинади (июль-август).

➖Электр техника ускуналари ва қурилмаларини марказлаштирилган ҳолда харид қилиш бўйича “Энерго РЭС” МЧЖга берилган эксклюзив ҳуқуқ бекор қилинади (июнь).

➖Товарларнинг келиб чиқиши тўғрисида сертификат беришга оид экспертиза фақат “Ўзбекэкспертиза” АЖ томонидан ўтказилиши ҳақидаги норма бекор қилинади (июнь-июль).

➖Ишлатилган техник мойларни тўплаш ва қайта ишлашга оид “Uz-Prista Recycling” МЧЖ ҚК эксклюзив ҳуқуқи бекор қилинади (сентябрь-октябрь).

➖Аҳолига ва ижтимоий объектларга суюлтирилган газ етказиб бериш бўйича “Ҳудудгазтаъминот” АЖнинг эксклюзив ҳуқуқи бекор қилинади (июнь—сентябрь).

➖Пахта маҳсулотлари, қишлоқ хўжалиги уруғларини сертификатлаштириш бўйича “Агросаноат мажмуида хизматлар кўрсатиш маркази” ДУКнинг эксклюзив ҳуқуқи бекор қилинади (2023 йил февраль).

➖“Биринчи резинотехника заводи” МЧЖнинг қишлоқ хўжалиги ва автомобиль шиналарининг ягона етказиб берувчиси мақомига оид қоида бекор қилинади (июль).

👉 @xushnudbek 👈