Тошкентда Амити университети ташкил этилди

Яна бир янги университет муборак бўлсин

Ўзбекистон Республикаси Президентининг 2019 йил 7 январдаги ПҚ-4097-сон қарори билан Тошкент шаҳридаги Амити Университети ташкил этилди.

Университетда ахборот-коммуникация технологиялари соҳасида, биринчи навбатда, дастурий таъминотни ишлаб чиқиш, ахборот тизимлари ва компьютер тармоқларини бошқариш бўйича халқаро стандартлар даражасида юқори малакали мутахассислар тайёрланади.

Университетнинг таълим фаолияти 2019/2020 ўқув йилидан бошланади.

Университетда ўқишни тамомлаган битирувчиларга Ўзбекистон Республикасида олий маълумот тўғрисидаги ҳужжат сифатида эътироф этиладиган Амити Университетининг (Ҳиндистон Республикаси) белгиланган намунадаги дипломи берилади.

Маълумот учун: Ҳиндистоннинг Амити университети QS халқаро рейтингида TOP-1000га кирган, аниқроғи 801-1000-ўринда дея эътироф этилган.

Лекин ARWU ҳамда THE халқаро рейтингида TOP-1000 таликка киритилмаган. THE рейтингида 1001+ ўринда белгиланган ҳамда Осиё университетлари орасида 301-350-ўринда қайд этилган.

QS рейтингида Осиё университетлари орасида 271-280-ўринларида, Ҳиндистон университетлари орасида эса 41-ўринда қайд этилган.

Каналга уланиш: 👇
https://t.me/joinchat/AAAAAEe1KDC7Hm03UPVooQ