Стипендия ва контракт нархи ҳақида янги мақола
Стипендияни бекор қилиш эвазига контрактни арзонлаштиришга оид ваъда қилинган мақоламни ниҳоят тугатдим. Бугун эълон қилинади, Худо хоҳласа.
Балки у Сиз кутганчалик яхши ёзилмагандир, лекин имкон қадар холис ва батафсил ёритишга ҳаракат қилдим. Хусусан, мақоламда қуйидаги фикрлар ҳам бор:
Ҳозирги ҳолатни ҳам шундайлигича қолдириб бўлмайди. Ҳали сентябрь ойи бошлансин, контракт тўлай олмаётган талабалар оиласида шунақанги кўплаб муаммолар пайдо бўладики, асти қўяверасиз. Ким ўзини ўққа-чўққа урган, ким банклар эшигида мўлтираган, ким оёғи куйган товуқдай қарз сўраб у эшикдан, бу эшикка югурган, ким уйидаги энг охирги бисотини, тилла тақинчоқларини ёки ягона соғин сигирини чиқариб сотган, ким фарзандим ўксимасин деб Россияга йўл олган, ким чиқмаган жондан умид, дея Президент порталига ўнлаб аризалар юборган... Эҳҳе, гапирса гап кўп. Хўш, буларнинг олдини олиш учун бизда қандай ечимлар бор? Ҳеч қандай!
Шунингдек, қуйидаги жадвални ҳам илова қилганман, тушунарли бўлиши учун.
Хуллас, тез орада мақола эълон қилинади, бизни кузатишда давом этинг :)
Каналга уланиш: 👇
https://t.me/xushnudbek