Stadiondagi tartibsizliklar va O'FAga kutilayotgan jazo

Кеча ўйин ҳам, ғалаба ҳам зўр бўлди. Мухлислар ҳам жуда чиройли қўллаб-қувватлаб туришди.

Аммо гуруч курмаксиз бўлмаганидай, айрим мухлислар томонидан жуда хунук иш ҳам қилинди. Дарвозабонимизнинг қилган ўта қўпол хатосини мухлислар ҳам давом эттиришди ва ўзларича стадиондаги рақиб футболчилари ҳамда ҳакамни тошбўрон қилишди. Нақадар аҳмоқлик.

Отилган тошлар (ёки цемент бўлаклари) натижасида фотомухбир салкам ҳушини йўқотган, хорижлик операторнинг эса боши ёрилган.

Ўйиндан кейин Ироқ мураббийи ҳам бу ҳолатга кескин эътироз билдирган.

Катта эҳтимол билан, ОФК ушбу ҳолатни кўриб чиқади. ЎФАга жазо қўллаши мумкин. Энг ёмони Ўзбекистон ўйинларини мухлисларсиз ўтказиш жазоси қўлланиш эҳтимоли ҳам йўқ эмас. Келгусида катта халқаро мусобақаларни юртимизда ўтказишга ҳам хавф солиши мумкин.

Ҳурматли мухлислар, бунақа хунук ишни бошқа қилманглар. Битта тиррақи бузоқ бутун подани булғайди, деганидай, ўйланмасдан қилган ҳаракатингиз туфайли бутун мамлакат жабр чекиши мумкин. Ақлни ишлатинг, илтимос.

👉 @xushnudbek 👈