Футболчи Анвар Ғофуров укасининг ҳужжатлари билан ўйнаган
2018 йили футбол бўйича Ўзбекистон U-23 термаси Осиё чемпиони бўлганди. Жамоанинг барча 22 футболчисига Президент совғаси — Malibu’лар берилганди. Машинали бўлганлар орасида 1997 йилда туғилган Ҳусниддин Ғофуров ҳам бор (у саралашда ҳам, финал босқичида ҳам бирор марта ўйнамаган).
Маълум бўлишича, шу футболчининг асл исми Анвар ва у 1995 йилда туғилган экан — 1997 йилда туғилган Ҳусниддин эса унинг укаси экан. ЎФАнинг хабар беришича, футболчи укасининг ҳужжатлари билан ўйнашга «ўзи истамаган ҳолда, фаолиятини бошлаган вақтидаги мураббийлари ва ота-онаси қистови билан розилик берган».
Шундай «узрли сабаб» билан унинг Суперлига—2022 да ўйнашига рухсат берилибди. Қизиғи, ЎФАнинг ёзишича, ким аслида кимлиги белгилаб берган суд ҳукми 2020 йил мартида чиққан. Шундай бўлса-да, Анвар 2020 йили ҳам, 2021 йили ҳам Ҳусниддин исми билан Суперлигада ўйнаган.
Бир ярим ой аввал «Нефтчи» ҳам мухлисларига уни Ҳусниддин дея таништирган экан. Куни кеча у Анвар Ғофуров бўлиб майдонга чиқди.
- 😁 2654
