Пекиндан Тошкентга учаётган самолётда чақалоқ дунёга келди

​​Пекиндан Тошкентга учаётган самолётда ўзбекистонлик аёл фарзанд кўрди. Самолёт Пекинга қайтган. Айтишларича, она ва боланинг саломатлиги яхши

24 ноябрь куни «Пекин—Тошкент» йўналиши бўйлаб ҳавога кўтарилган CZ6027 рейси самолёт бортида чақалоқ дунёга келгани муносабати билан Пекинга қайтиб қўнган (шу боис Тошкентга белгиланганидан 5 соату 45 дақиқа кеч етиб келган). Она — ўзбекистонлик Наргиза Қосимова, дея хабар бермоқда China-Uzbekistan канали.

Хабар беришларича, самолётда ўзининг бешинчи фарзандини дунёга келтирган онанинг ҳам, ҳомиладорликнинг еттинчи ойида самолётда туғилган чақалоқнинг ҳам аҳволи яхшиланиб бормоқда. Она-бола Пекиндаги Hemujia касалхонасига жойлаштирилган.

Воқеадан хабардорларнинг @daryo_live’га маълум қилишича, самолётда Тошкентда ишлайдиган акушер-гинекологлар бўлган — тўлғоқ тутган Наргиза Қосимовани самолётда улар туғдирган. Чақалоққа Муҳаммад Солиҳ деб исм қўйишмоқчи.

Суратда — самолётда туғилган ўзбекистонлик чақалоқ ва CZ6027 рейси стюардессаси

Матн: @daryo_live

Каналга уланиш: 👇
https://t.me/joinchat/AAAAAEe1KDC7Hm03UPVooQ