Контракт тўлови учун солиқ имтиёзи тартиби ўзгариши мумкин

Контракт тўлови учун ўтказилган иш ҳақининг солиққа тортилмаслигига оид тартиб ўзгариши мумкин

Куни-кеча янги таҳрирдаги Солиқ кодексининг рус тилидаги матни муҳокамага қўйилди.

Унда кўплаб ўзгаришлар қатори жисмоний шахсларнинг солиқ солинмайдиган даромадлари қисмига ҳам ўзгаришлар киритлмоқда.

Эътиборимни тортган жиҳати, лойиҳада талабаларнинг контракт тўловини тўлаш учун ўтказилган суммалар билан боғлиқ ўзгариш ҳам бор.

Кўпчиликка маълумки, бугунги кундаги солиқ қонунчилиги бўйича Ўзбекистон Республикаси олий ўқув юртларида таълим олиш учун (ўзининг ўқиши ёки йигирма олти ёшга тўлмаган фарзандларининг ўқиши учун) иш ҳақи ва бошқа даромадлардан йўналтириладиган суммалардан даромад солиғи олинмайди.

Бу ерда асосий жиҳат шунда эдики, фақат ўзининг ёки 26 ёшга тўлмаган фарзандининг контракти учунгина шундай имтиёз берилар эди. Турмуш ўртоғи, ака-укаси, келини ёки бошқа қариндошларининг контракти учун иш ҳақидан ўтказилса ҳеч қандай имтиёз қўлланмасди.

Таклиф этилаётган лойиҳада ушбу қоида қуйидагича таҳрирда келтирилган:

Статья 198.
Не рассматриваются в качестве дохода физических лиц:
11) средства, перечисляемые за обучение студентов на платно-контрактной основе по прямым договорам с высшим учебным заведением в Республике Узбекистан. Данная норма применяется в случае наличия в контракте условия отработки не менее трех лет после окончания обучения;

Таҳлил қиладиган бўлсак, лойиҳада ўзи ёки фарзанди деган жойлари йўқ. Демак, исталган талабанинг - у хоҳ яқин қариндош бўлсин, хоҳ бегона - тўлов-контракти учун иш ҳақидан пул ўтказилганда, ўша қисми даромад сифатида баҳоланмайди ва солиққа тортилмайди, деган маъно чиқмоқда. Агар ушбу ўзгариш ҳақиқатдан биз тушунгандай бўлса, унда кўпчиликка фойдали ўзгариш бўлар экан. Агар ёдингизда бўлса, анча аввал бир муштарийдан келган мактубни каналимда эълон қилган эдим. Хатни ёзган дўстимиз айнан шу имтиёз бўйича муаммога дуч келгани, отасининг вафотидан сўнг сингилларини ўқитиш унинг зиммасида эканлиги, лекин синглисининг контракти учун иш ҳақидан пул ўтказса, ҳеч қандай имтиёз берилмаслиги ҳақида сўзлаб берганди.

Лекин таклиф этилаётган ўзгаришнинг яна бир "но" томони бор. Давлат ҳам аҳмоқ эмас, ўз ҳаққини осонгина бериб қўядиганлардан эмас. Контрактга ўтказилган иш ҳақидан даромад солиғи ушлаб қолмаслик учун албатта ўша талаба ўқишни битиргандан кейин уч йил ишлаб бериши ҳақида шартнома имзолаган бўлиши шарт экан. Бундай шартнома бўлмаса, солиқ имтиёзи ҳам берилмас экан. Oppa, gangnam style! Ана Сизга сюрпризу, мана Сизга тилбизооор.

Ушбу банд бўйича саволлар кўп: шартнома ким билан имзоланиши керак? Давлат тизимида ишлаб бериши керакми ёки исталган жойдами? 3 йил ичида ишини ўзгартирса нима бўлади, солиқлар қайта ундириб олинадими? Солиқларни қайтариб тўлаттириш тартиби қандай бўлади?

Алал-оқибат мажбурий меҳнатнинг бошқача кўринишига етаклайдиган бундай ўзгариш фойдалироқмиди ёки фақат ўзи ва 26 ёшдан кичик фарзанди учун берилган бўлса ҳам, аввалги имтиёз яхшимиди? Буниси ҳозирча билмадим. Балки мутахассислар тушунтириб беришар. Кутамиз.

Каналга уланиш: 👇
https://t.me/joinchat/AAAAAEe1KDC7Hm03UPVooQ