O‘zbekiston o‘quvchilari fan olimpiadalariga tayyorlanmoqda

Спортчилар нуфузли мусобақалар олдидан ўқув-йиғин машғулотлари ("сбор") ўтказишини кўп эшитганмиз. Аммо бизда бу каби йиғинлар фақат спортда эмас, балки билимда ҳам ўтказилиши камдан-кам кузатилган ҳодиса эди.

Жорий йилда нуфузли халқаро фан олимпиадаларида иштирок этувчи 17 нафар ўқувчилардан иборат Ўзбекистон терма жамоаси аъзолари ҳамда саралашда юқори натижа кўрсатган келгуси йиллар учун резервга киритилган 50 нафар 9-10-синф ўқувчилар математика, кимё, биология ва физика фанларидан йиғинда қатнашмоқда.

Улар АҚШ, Жанубий Корея, Россия жамоаларини халқаро олимпиадаларга тайёрлашда қатнашган 6 нафар хорижий тренер-ўқитувчилар ҳамда халқаро олимпиадаларда медал олган юртдошларимиз томонидан ўқитилмоқда.

Ўқувчилар «Ўзбекистон» меҳмонхонасига жойлаштирилган, уларга барча шароитлар яратилган. Бу ўқувчиларимизнинг чет элга борганда халқаро олимпиада муҳитига тушиб, ҳаяжонланиш ҳолатларини олдини олишга хизмат қилади.

Халқаро олимпиадалар июль-августда ўтказилади. Уларга омад тилаймиз!

👉 @xushnudbek 👈