Коллеж ҳисобчиси 4 млрд сўмни қиморга тикиб юборди

Жиноятга етаклаётган қимор: коллеж ҳисобчиси 4 млрд сўмни қиморга тикиб юборган

Фарғона вилояти Олимпия захиралари коллежи бош ҳисобчиси 2019-2021 йиллар давомида ўзига асоссиз равишда жами 4 млрд сўм иш ҳақи ва устама ёзиб олган.

Шунингдек, коллеж ўқитувчилари номига банк пластик карталари очиб, уларга 310 млн сўм бюджет маблағларини карта эгаларига билдирмасдан ўзига ўтказиб олган.

Бош ҳисобчи талон-тарож қилган жами 4,3 млрд сўм маблағларни интернет тармоғи орқали ўйналадиган қимор ўйинларига тикиб, сарф қилганлиги аниқланган.

Ҳолат юзасидан бош ҳисобчи ва бошқаларга нисбатан Жиноят кодексининг тегишли моддалари билан жиноят иши қўзғатилган. Гумонланувчи қамоққа олинган.

Қиморнинг ҳар қандай тури ёмон — унга ўралашиб қолганни ё қамоққа, ё гўрга етаклайди. Қимордан кимдир бой бўлиб кетгани ҳақидаги гапларнинг барчаси афсона, бу вақтинчалик тасаввур. Эртага барибир ҳаммани хонавайрон қилади бу.

Вақт борида кўзингизни очинг, яхшилар!

👉 @xushnudbek 👈