Фарзанд тарбияси ва одоби ҳақида ҳадислар
Жобир ибн Самура розияллоҳу анҳудан ривоят қилинади:
"Расулуллоҳ соллаллоҳу алайҳи васаллам:
"Киши фарзандини ёки бирингиз фарзандини одобли этиб тарбиялаши унинг учун ҳар куни ярим соъ* садақа қилишдан яхшироқдир", дедилар".
Имом Термизий ва Аҳмад ривоят қилган.
*соъ - ўлчов бирлиги, бир соъ 2,5-3 кг буғдойга тенг.
Яна бошқа бир ҳадис:
Анас ибн Молик розияллоҳу анҳудан ривоят қилинади:
"Расулуллоҳ соллаллоҳу алайҳи васаллам:
Фарзандларингизни ҳурматланг ва уларнинг одобини гўзал қилинг", дедилар".
Ибн Можа ривоят қилган.
Фарзанд ота-она ҳузуридаги омонат бўлиб, унинг қалби покиза бир гавҳардир. У ҳар қандай нақшни қабул қилаверади. Агар яхшиликка ўргатилса, яхши, одобли бўлиб ўсади. Бунинг савобига эса, ота-онаси ва устозлари шерик бўлади.
Агар ёмонликка ўргатилса, ёмон, бадхулқ бўлиб ўсади. Бунинг гуноҳига эса, ота-онаси ва мураббийлари ҳам шерик бўлади.
Шайх Муҳаммад Содиқ Муҳаммад Юсуфнинг «Ижтимоий одоблар» китобидан.
👉 @xushnudbek 👈
