Бухорода аёл киши эркак қиёфасида фирибгарлик қилди
Бухоронинг «эркак»га айланган аёли (Фарғонадагидан фарқли воқеа)
Воқеа Шофирконда бўлган: бир аёл (бу аёлни яхшилаб эслаб қолинг!) қўшни бир қизга уни Рустам исмли йигит яхши кўриб қолганини айтган. Сўнг ҳалиги қизга ўша Рустамнинг ўзи телефон қилган. Ёшлар икки ойча телефон орқали гаплашиб юришган, бир неча бор юзма-юз кўришишган ҳам.
Кунларнинг бирида Рустам ҳалиги қиздан пул сўраган, «Бўлса, бериб тур. Бўлмаса, тақинчоқларингни бериб тур, мен уларни гаровга қўйиб пул оламан, сўнг ҳаммасини қайтариб бераман», деб айтган. Қиз тушмагур содда экан — Рустамга умумий қиймати 8 миллион сўм бўлган тақинчоқ ва яна 2,6 миллион сўм нақд пул берган.
Қиз шунчаки содда эмас — энди, нима десак экан — чидаб бўлмас даражада содда экан-да. Рустам дегани аслида ўша қизга «Сени Рустам яхши кўриб қолибди» деган қўшни аёлнинг ўзи бўлиб чиқибди: у телефонда ҳам эркакча овоз билан гапирган, учрашувларга қиёфасини ўзгартириб чиққан. Даҳшат!
Вақтинча Рустамга айланган фирибгар аёл Жиноят кодексининг 168-моддаси 1-қисми («Фирибгарлик») билан суд қилиниб, унга ойлик иш ҳақининг 15 фоизини давлат фойдасига ушлаб қолиш шарти билан бир йил ахлоқ тузатиш ишлари жазоси тайинланибди.
Биз Рустам лақабли бу аёлни ўз фаолиятини кинода давом эттиришга чақирамиз: актриса бўла олмаса ҳам, ундан яхши гримчи, қиёфа ўзгартирувчи мутахассис чиқиши мумкин. Лекин актриса ҳам чиқиши ҳам мумкин — ахир у ролни жуда ишонарли ўйнайди.
Манба: @daryo_live
Каналга уланиш: 👇
https://t.me/joinchat/AAAAAEe1KDC7Hm03UPVooQ