Педагогика университети декан ўринбосарига ҳукм ўқилди

Педагогика университети “замдекани” 3 йил муддатга озодликдан маҳрум этилди

Бугун жиноят ишлари бўйича Яккасарой туман судида Педагогика университетида талабасининг номусига тегиш ва уни баланд қаватдан итариб юборишда айбланаётган декан ўринбосарига ҳукм ўқилди.

Унга кўра, декан ўринбосари Б.Ю. Жиноят кодексининг 104-моддаси (қасддан баданга оғир шикаст етказиш) 1-қисми билан айбдор деб топилиб, унга 3 йил муддатга озодликдан маҳрум қилиш жазоси тайинланди. Тайинланган жазо манзил-колонияларда ўталиши белгиланди.

Аммо декан ўринбосари номусга тегиш ҳолати бўйича айбсиз деб топилди. Судланувчи Б.Ю. Жиноят кодексининг 25, 118-моддаси 1-қисмида (номусга тегиш) назарда тутилган жиноятни содир этганликда айбсиз деб топилиб, унинг қилмишида жиноят таркиби бўлмаганлиги сабабли Жиноят-процессуал кодексининг 83-моддаси (реабилитация учун асослар) 2-бандига асосан реабилитация қилинди.

👉 @xushnudbek 👈