Avtotest haydovchilarni tayyorlashni to‘xtatdi

Қишлоғимизда қизиқ ишлар бўляпти

«Автотест» юридик шахслар ҳайдовчиларини тайёрлаш фаолиятини тўхтатар экан. Бу ҳақда компания Ўзбекистон халқига йўлланган мурожаатида айтиб ўтибди.

Хусусан, мурожаатда қуйидагича айтилади:

«Автотест» юридик шахслар ҳайдовчиларини тайёрлаш фаолиятини тўхтатади.
Биз жамоамиз билан шу қарорга келдик. Бизнинг бош мақсадимиз пул ишлаш эмаслигини, бизда қадриятлар бошқа эканлигини шу билан намоён этмоқчимиз. Биз одамлардан қинғир йўл билан пул ишлашдан йироқмиз».

Компания қинғир йўл деганда нимани назарда тутгани менга қоронғу. Балки улар юридик шахслар ҳайдовчиларини монопол сифатида тайёрлаш ва сертификатсиз юрган ҳайдовчилар учун жарима солишни қинғир йўл деб ҳисоблашаётган бўлиши мумкин. Қизиқ, унда бу қинғир йўллар қандай қилиб Қонун ва Ҳукумат қарорларига кириб қолди экан, ҳайронман?

Баёнотда компания халқнинг уларга бўлган муносабатидан шикоят ҳам қилган:

«Ўтган давр мобайнида бизни ҳар кўйга солишди. Йўлларда машиналаримизни тўсиб кулги қилишди. Энди бунга йўл қўймаймиз. Андишанинг отини қўрқоқ қўйманг».

Шунингдек, компания ўзининг асосий қадриятлари нималиги ҳақида тўхталган:

«Бизда қадриятлар бошқа. Бизда таҳсил олганларнинг биронтаси таълим сифатига, методига, яратилган шароитга эътироз билдира олмади, ҳеч бир ўқувчи шикоят қилмади, қилолмайди ҳам. Чунки биз халқ хизмати учун жонимизни бериб ҳаракат қилдик. Шу орқали бирор бир инсон ҳаётини сақлашга ҳисса қўшган бўлсак, йўлларда бизнинг битирувчиларимиз озгина бўлса-да тартибли ҳаракатланаётган бўлса, шунинг ўзи бизга катта бахт. Бизнинг ютуғимиз мана шу».

Хуллас, энди «Автотест» юридик шахслар ҳайдовчиларини тайёрламайди. Шу кунгача тузилган шартномаларни бекор қилиб, ўтказилган пулларни қайтариб беришар экан. Лекин менимча ҳали ўқишга улгурмаганларнинг пулини қайтариб беришади, ўқиб бўлган ва сертификат олганларники қайтмаса керак.

Шу десангиз, бу мурожаат ортидан Ўзбекистонда жуда қизиқ ҳуқуқий вазият юзага келди.

3 августдан бошлаб, юртимизда янги жарима амал қилишни бошлайди. Яъни юридик шахсларинг ҳайдовчиларида малака оширганлик сертификати бўлмаса, ЭКИҲ 1 баробари (223 минг сўм) миқдорида жаримага тортилади.

Монополияга қарши курашиш қўмитасининг хабар беришича, Ўзбекистонда ҳайдовчилар малакасини ошириш талабларига фақат «Автотест» компанияси мос тушади ва фақат уларгина бунақа сертификат бера олади. Энди эса, «Автотест» компанияси “мен ўқитмайман” демоқда.

❗️Қиссадан ҳисса шуки, 3 августдан малака ошириш сертификати бўлмаган юридик шахслар жаримага тортилади, лекин Ўзбекистонда бунақа сертификат берадиган бирорта ташкилот йўқ.

Зўр-а?! Ажойиб, жуда ажойиб...

👉 @xushnudbek 👈