Янги йил арафасида кимлар дам олади

Бугун ва эртага кимлар дам олади?

Бугун, 30 декабрь, барча учун дам олиш куни. Барча дейилганда, 5 кунлик ва 6 кунлик иш ҳафтасидагилар назарда тутилмоқда.

Шунингдек, Ҳукумат қарори билан 30-31 декабрь кунлари банк, молия ҳамда солиқ идораларида расман иш куни сифатида белгиланган. Меҳнат кодексининг 157-моддасига биноан, дам олиш ва байрам кунларидаги ишлар учун камида икки ҳисса миқдорида ҳақ тўланади (камида дегани, икки ҳиссадан кўпроқ берса ҳам бўлади, дегани). Ёки байрам ёки дам олиш кунидаги иш ходимнинг хоҳишига қараб бошқа дам олиш куни (отгул) бериш билан қопланиши мумкин.

Эртага, 31 декабрь - душанба куни, фақат 5 кунликлар учун дам олиш куни. Ҳафтасига расман 6 кун ишлайдиганлар учун эса иш куни ҳисобланади.

Лекин бир нарсани унутмаслик керакки, эртага расман «короткий день» бўлади. Меҳнат кодексининг 121-моддасига биноан, байрам (ишланмайдиган) кунлари арафасида кундалик иш (смена) муддати барча ходимлар учун камида бир соатга қисқартирилади (камида дегани, 1 соатдан кўпроққа ҳам қисқартириш мумкин, дегани. Бу жамоа шартномасида кўрсатилади).

Каналга уланиш: 👇
https://t.me/joinchat/AAAAAEe1KDC7Hm03UPVooQ