Тадбиркорлар учун хайрия ва реклама акцияси давом этмоқда

Тадбиркорларни фаолликка чақириб қоламиз

Хабарингиз бўлса керак, яқинда бир ижтимоий акция эълон қилгандик.

Унга кўра, эҳтиёжманд талабалардан бирининг тўлов-контракт пулини тўлаб бериш эвазига Xushnudbek.uz каналида реклама бериш ҳуқуқини қўлга киритиш мумкинлигини маълум қилган эдик.

Бугунги кунгача контрактни тўлаб беришни сўраб жуда кўп сўровлар келиб тушди. Аниқ рақамларни айтмоқчи эмасман, лекин улар сони шунчалар кўпки, ҳар куни 1 тадан реклама қўйилганда ҳам бир неча йил кетишини айтиш кифоя қилса керак. Албатта, барча сўровларни ижобий ҳал қилиш имконияти йўқ. Биринчи галда фақат чин етим талабаларнинг маълум бир қисмини қаноатлантира олсак ҳам катта гап.

Ҳозирча реклама берувчилар орқали 8 нафар талабанинг тўлов-контрактини тўлаш масаласида келишувга эришилди. Ўқув йили энди бошланганлиги учун айрим талабалар бўйича ташкилий масалаларни ҳал қилиш қолди холос.

8 нафар талабанинг контракт пулларини тўлаш учун 47 млн сўм пуллар йўналтирилади.

Аммо бу ҳали ҳаммаси эмас, рақамларни янада кўпайтиришимиз мумкин.

Саҳоватпеша тадбиркорларга мурожаат қилиб айтмоқчи эдимки, ҳам реклама бериш, ҳам илмни қўллаб-қувватлаш, ҳам савоб ишлаб олиш имкониятини қўлдан бой берманг.

Акция 30 сентябрга қадар давом этади.

Реклама бериш шартлари билан қуйидаги манзил орқали батафсил маълумот олишингиз мумкин: @xushnudbekreklama

P.S.: эҳтиёжманд талабалар бўйича сўровларни қабул қилишни тўхтатдик.

👉 @xushnudbek 👈