Россиялик овчига Қизил китобдаги айиқни отишга рухсат берилди

​​Россиялик овчи, Экоқўмита раиси ва бечора айиқ

Олий Мажлис Қонунчилик палатаси депутати Расул Кушербаевнинг ёзишича, Давлат экология ва атроф-муҳитни муҳофаза қилиш қўмитаси раиси А.Максудовнинг имзоси билан Россия Федерацияси фуқароси Е.П.Широковга 2 дона Ўзбекистон Республикаси «Қизил китоби»га киритилган Тяньшан қўнғир айиғини отишга рухсатнома берилган.

Рухсатнома экология ва атроф-муҳитни муҳофаза қилиш соҳасидаги назорат бўйича Бўстонлиқ туман инспекциясида 4-сон билан 2021 йил 31 март куни рўйхатга олинган.

Россиялик овчи эса Бўстонлиқ туманида 1 дона қўнғир айиқни отиб, у билан ваҳшийларча суратга тушган. Унинг яна битта Тяньшан қўнғир айиғини отишга рухсатномаси бор.

Депутат ушбу ҳолатга муносабат билдирар экан, “Экология қўмитасининг вазифаси ҲАЙВОНОТ ВА ЎСИМЛИКЛАР ДУНЁСИНИ асрашдан иборат. Лекин бу иш ҳаммасининг аксини кўрсатаяпти. Қўмита раҳбарининг ўзи ашаддий браконьер ва браконьерликни қўллаб-қувватлайдиган шахс кўринади. Афсус бу кишини Қонунчилик палатасида ушбу лавозимга тасдиқлашда экологияни сақллашга ҳисса қўшса керак деган фикр бор эди. Энди эса экологияни у кишининг ўзидан асраш керак экан" дейди.

Мазкур ҳолатга тегишли органлардан муносабат кутиб қоламиз.

👉 @xushnudbek 👈