Президент янги орден ва медаллар ҳақидаги қонунни қайтарди

Депутатлар қабул қилган ва сенаторлар маъқуллаган қонун Президент томонидан қайтарилди

Олий Мажлис Қонунчилик палатаси депутати Акмал Бурхонов ёзмоқда:

“Жорий йилнинг 23 март куни Олий Мажлис Қонунчилик палатаси томонидан “III ва IV даражали “Соғлом авлод учун” орденини таъсис этиш тўғрисида”ги ҳамда “Соғлом авлод учун” медалини таъсис этиш тўғрисида”ги қонунлар қабул қилинган эди ва 24 март куни Сенат томонидан маъқулланган эди. Бироқ ушбу қонунлар Президент томонидан имзоланмасдан қайтарилган.

Маълумот ўрнида, Ўзбекистон Республикаси Конституциясининг 84-моддасига кўра, Президент Қонунчилик палатаси томонидан қабул қилиниб, Сенат томонидан маъқулланган қонунни ўз эътирозлари билан Олий Мажлисга қайтаришга ҳақли. Қонунчиликка мувофиқ, Президент томонидан қайтарилган қонун Қонунчилик палатаси томонидан бир ойлик муддатда қайта кўриб чиқилиши керак.

Шу аснода, “III ва IV даражали “Соғлом авлод учун” орденини таъсис этиш тўғрисида”ги Қонуни Президентнинг таклифлари ва мулоҳазаларини инобатга олган ҳолда «Саломатлик» орденини таъсис этиш тўғрисида, деган янги ном билан, “Соғлом авлод учун” медалини таъсис этиш тўғрисида”ги Қонуни эса «Соғлом турмуш» медалини таъсис этиш тўғрисида” деган янги ном билан қайта кўриб чиқилмоқда.

Таъкидлаш жоизки, бундай ҳолат Ўзбекистон қонун ижодкорлиги амалиётида камдан кам учрайди (шахсан мен ҳали бу амалиёт бўлганини эслай олмайман)”.

Иқтибос тугади.

👉 @xushnudbek 👈