Ўзбекистонда коронавирусга чалинганлар сони 33 нафарга етди
Ўзбекистонда коронавирус инфекциясига чалинганлар сони 33 нафарга етди
Соғлиқни сақлаш вазирлиги берган маълумотга кўра, коронавирус инфекциясига чалинган беморлар билан мулоқотда бўлган яқинларидан 9 нафарида коронавирус инфекцияси аниқланган. Шунингдек, хориждан келган яна бир нафар фуқарода ҳам ушбу инфекция борлиги тасдиқланган.
Хабарда айнан кимнинг қариндошларида аниқланганлиги, қайси хорижий давлатдан келган фуқарода коронавирус чиққанлигига аниқлик киритилмаган.
Аввалги беморлар:
- 11 март куни Франциядан келган юртдошимиз (1), унинг турмуш ўртоғи (2), ўғли (3), қизи (4), набираси (5), у билан мулоқотда бўлган яна бир шахс (6), онаси (7), келини (8), бирга ишлайдиган ҳамкасби (9) ва яна 3 нафар қариндоши (10, 11, 12);
- 15 март куни Истанбул–Тошкент йўналишидаги 274-рейс билан келган Ўзбекистон фуқароси (13), унинг турмуш ўртоғи (14) ва яна бир фуқаро (15);
- 14 март куни Лондон–Тошкент йўналишидаги 201-рейс билан келган ҳамюртимиз (16) ва унинг турмуш ўртоғи (17);
- Дубайдан келган юртдошимиз (18);
- Истанбулдан келган яна бир фуқаро (19) ва унинг турмуш ўртоғида (20);
- 14 март куни Лондон–Тошкент йўналишидаги 201-рейс билан келган яна икки юртдошимиз (21, 22);
- 15 март куни Истанбул–Тошкент йўналишидаги 274-рейс билан келган яна бир фуқаро (23).
👉 @xushnudbek 👈