Ноқонуний бойлик орттирганлик учун жавобгарлик таклифи

Ва ниҳоят, Жиноят кодексига мансабдор шахс томонидан ноқонуний тарзда бойлик орттирганлик учун жиноий жавобгарлик белгилаш таклиф этилаяпти.

Бу БМТнинг Коррупцияга қарши курашиш тўғрисидаги конвенцияси 20-моддаси (ноқонуний бойлик орттириш)да акс этган. Унга кўра, амалдорнинг харажати даромадига муносиб бўлиши лозим. Яъни чиновник данғиллама уйи, чет элда дам олиши ёки тўлаётган кредити суммаси ва бошқа даромадларининг келиб чиқишини исботлай олмаса, демак, ўз-ўзидан коррупция сифатида баҳоланиши керак.

Ойлиги 7-8 миллион сўм, лекин 150-750 минг долларлик ҳашаматли уйларда яшайдиган амалдорлар анча типирчилаб қолар эди.