Грант асосида ўқиган талабаларни ишга жойлаштириш муаммоси
Ишга жойлаштиришнинг заргарона тизими
Assalomualaykum. sizni davlat granti asosida o'qigan talabalar 3 yil majburiy ishlab berishi haqidagi maqolangizni o'qigandim. U yerda taqsimod kamissiyasi haqida ham aytilgan. Sizdan shuni so'ramoqchiydimki, OTM davlat granti asosida o'qigan bitiruvchilarni ish bilam taminlashlari kerakmi?. Taqsimot kamissiyasi ish taqsimlashadimi. Men ham bu yil bitiruvchiman, bizga 3 tamonlama shartnoma berib qo'yishgan hamma bitiruvchilarga. Ishni o'zlarimiz topib shartnomani ish beruvchiga tasdiqlatib bitta nusxasini OTM ga topshirishimiz kerak ekan. Lekin hech qaysi korxona yoki tashkilot o'qishni tugatmasdan oldin shartnomani tasdiqlashga rozi bo'lmayapdi. Biz nima qilishimiz kerak?. Iltimos maslaxat bersangiz. deyarli barcha bitiruvchilarning muommosi shu. sizga shartnomaning suratini yuboraman. Lekin Qoraqalpoq tilida yozilgan, tushunsangiz kerak menimcha
(анонимлик нуқтаи назаридан шартнома расми эълон қилинмайди)
Яхши эслайман, бунақа тизим биз институтни битираётган йилда (2010) ҳам бор эди. Ўша пайтларда ҳам битирувчиларнинг қўлига шартнома бериб, «қаердандир ишга жойлашганинг ҳақида тасдиқлатиб кел» дейишарди. Қаерга, ким бўлиб, бу умуман қизиқ эмас. Асосийси печать бўлса, кифоя.
Ўшанда бир курсдошимизнинг укасини хусусий фирмаси бор эди. Ўшани печатини олиб келиб, гуруҳимиздагиларнинг ҳаммасини шартномасига муҳр қўйиб, ўзи имзо қўйиб берганди. 30 нафар юрист бир юмалаб, ўша хусусий корхонага «ишга кириб» қолгандик ))
Бунда ОТМларни айбламоқчи эмасман. Улардан ҳам ҳисоботлар сўрашади. Битирувчиларнинг ишга жойлашиш кўрсаткичи паст бўлган ОТМ ректорлари селекторларда гап ҳам эшитса керак, ҳойнаҳой. Ўшанчун юқорига бериладиган ҳисоботларда «90% битирувчилар ишга жойлашди» дейиш учун ҳам талабаларга ақлга сиғмайдиган мантиқсиз талаблар қўйилади. Қоғозларда, статистикада ҳаммаси чиройли бўлиши учун.
Ишга жойлаштириш тартибининг зўрлигини қаранг: талабанинг қўлига уч томонлама шартнома бериб, «қаергадир ишга жойлашиш кафолатини олиб кел, йўқса имтиҳонларга кирмайсан (дипломингни олмайсан)» дейишади, бўлди. Шу билан ҳамма ишли, ҳамма бахтли. Қандай ажойиб!
Ишга жойлаштиришнинг дунёда муқобили йўқ бунақа тизим фақат бизда бўлса керак.
Каналга уланиш: 👇
https://t.me/joinchat/AAAAAEe1KDC7Hm03UPVooQ