Euronews Ўзбекистон маданий мерос конгрессини ёритди
Xushnudbek.uzMatn1 daqiqa0Ўзбекистон маданий мерос конгресси Euronews нигоҳида
Куни кеча Тошкентда бўлиб ўтган Ўзбекистон маданий меросини ўрганиш, сақлаш ва оммалаштириш бўйича 40та мамлакатдан ташриф буюрган 300га яқин олимлар конгресси халқаро ОАВлар эътиборига тушди.
Аввалига Туркия, Россия каби давлатлар ушбу илмий тадбирдан махсус репортаж тақдим этишган бўлса кейинроқ Euronews сайтида унга бағишланган катта мақола эълон қилинди. "Ўзбекистон ўзининг маърифатли ўтмишига мос келажакка йўл очмоқда" сарлавҳаси билан эълон қилинган мақолада юртимизнинг маданий мероси хилма хиллиги ва муҳим аҳамияти қайд этилиб, дунё цивилизациясига қўшган ҳиссасига юқори баҳо берилган. Шунингдек маданий мерос тараққиёт учун пойдевор бўла олиши айтилиб, маданий мерос тўпламларининг мактабларга бепул тарқатилаётганига урғу берилган.
Бугун эса Euronews'нинг телевизион эфирида конгрессга бағишланган махсус лавҳа намойиш этилмоқда. Халқаро даражадаги бундай эътибор одамни қувонтиради. Ўзбекистон маданий мероси улкан маърифий ва маънавий аҳамиятга эга. Баъзида буни унутиб қўяётгандек туюламиз. Уни ўрганиш, сақлаш ва оммалаштириш нафақат бу бўйича шуғулланаётган бутунжаҳон жамиятининг балки барчамизнинг бурчимиздир. Буни унутмайлик.
