Чироқчида соғлиқни сақлаш вазири бошчилигида сайёр қабул

Бугун Рамазоннинг биринчи кунини катта оила даврасида ўтказиш ва бувимларнинг дуосини олиш мақсадида Чироқчига келгандим.

Қарасам, туманимиздаги собиқ Транспорт коллежининг олдида тумонат одам. Қизиқиб кўрсам, соғлиқни сақлаш вазири Беҳзод Мусаев бошчилигидаги шифокорларнинг катта гуруҳи Чироқчида сайёр қабул ўтказаётган экан. Жумладан, Тошкентдан 150 нафардан ортиқ шифокорлар, илмий марказ раҳбарлари келишибди.

Бу ерда сайёр тиббий кўрик, кўчма лабаротория ташкил этилган. Эндрокринологдан тортиб кардиологгача, педиатрдан тортиб, офтальмологгача бор. УЗИ ёки ЭКГдан тортиб маммомграфиягача ишлаб турибди.

Айтишларича, кун давомида минг нафарга яқин инсон кўрикдан ўтибди.

Оғир ва шошилинч ёрдамга муҳтож беморларга шу жойнинг ўзида жарроҳлик амалиётлари учун ордер берилмоқда.

Бу каби сайёр тиббий қабуллар навбати билан бутун республика бўйлаб ўтказилиши режалаштирилаётган экан.

👉 @xushnudbek 👈