Заковат талабалар кубоги ғолиблари Италияда бўлишди
Ўтган йили ўзим анчадан буён орзу қилиб юрган бир тадбирни ташкиллаштирган эдик.
Касаба уюшмалари Федерацияси ташкилотчилигида, Халқаро меҳнат ташкилотидаги дўстларимизнинг молиявий кўмаги ҳамда Олий таълим вазирлигининг амалий ёрдами билан Республикадаги барча ОТМ жамоалари ўртасида “Заковат” интеллектуал ўйини бўйича ”Талабалар кубоги” ўтказгандик.
Унда 80 та ОТМ жамоаси иштирок этганди. Саралаш босқичи Тошкент, Самарқанд, Бухоро, Фарғона шаҳарларида, финал босқичи эса Тошкент шаҳрида ўтказилганди.
Жорий ҳафтада чемпионликни қўлга киритган Тошкент педиатрия тиббиёт институти жамоаси ваъда қилинганидек, Италиянинг Турин шаҳрида 1 ҳафталик ўқув семинарида иштирок этиб қайтишди.
Мантиқий фикрлашни ўстирадиган бу каби йирик интеллектуал фестиваллар, танловлар кўпроқ бўлишини жуда-жуда истардим. Аммо қўллаб-қувватлайдиган ташкилотларни топиш қийин, бу каби лойиҳаларни кўп давраларда айтганман, ёки унча қизиқишмаган, ёки маблағ ажратишмаган (ажрата олишмаган). Майли, бир гап бўлар.
