Ёджу институти нима учун вазирлик рўйхатида йўқ
Ёджу институти нима учун вазирлик рўйхатида йўқ?
#муштарийдан_савол
Кеча бир муштарийдан қуйидагича мурожаат келиб тушди (имло аслича қолдирилди):
«Ассалому Алейкум! Ман Тошкент шахридаги Ёджу техника институти талабасиман. Якинда Олий ва Урта та'лим вазирлигининг телеграм каналида "Юртимиздаги махаллий ва Хорижий олий укув юртлари толик руйхати" деб аталган PDF форматида руйхат жойлаштирилди. У ерда бизнинг Институтимиз негадир йук? Хаттоки хали очилмаган Аджу (Корея) ва Амити (Индия) институтлари бор лекин бизники йук?! Бу масалада кайерга мурожаат килишни билмаяпмиз? Олий ва Урта та'лим вазирлигини телефон ракамига тушиб булмайди?? Биз бекорга Контракт тулаб укиб юрмаяпмизмикин?»
ЖАВОБ: Хавотирланмасангиз ҳам бўлади, Сиз таҳсил олаётган Тошкент шаҳридаги Ёджу техника институтига Ҳукумат томонидан махсус лицензия берилган ва унда таҳсил олган талабаларнинг дипломи билан муаммо бўлмайди.
Бунга бир қанча асосларни келтиришим мумкин.
Масалан, Вазирлар Маҳкамаси ҳузуридаги Таълим сифатини назорат қилиш давлат инспекциясининг расмий сайтида 25.09.2018 йилда бир хабар эълон қилинган, унда юртимизда расман фаолият олиб бораётган хорижий ОТМлар рўйхати санаб ўтилган. Ўша рўйхатда Ёджу ҳам бор.
Бундан ташқари Олий ва ўрта махсус таълим вазирлигининг расмий сайтида ОТМлар рўйхати саҳифаси бор. Ўша ерда ҳам Ёджу рўйхатга киритилган (пастдаги расмга қаранг). Лекин нима учундир вазирлик сайтидаги институт саҳифасига кириб бўлмаяпти, хатолик беряпти.
Энди Сиз таъкидлаган рўйхатга келсак, айнан нима учун ўша PDF рўйхатга Ёджу кирмай қолганидан хабарим йўқ. Лекин 2 та тахминим бор:
1) рўйхатда хусусий ОТМлар номи келтирилмаган бўлиши мумкин (лекин бирор жойда давлат ОТМлари дейилмаган экан);
2) вазирлик ушбу рўйхатни тайёрлаётганда лицензияси бор ОТМларни эмас, балки фақат Президент ёки Вазирлар Маҳкамаси қарори чиққан ОТМларни рўйхатга киритган бўлса керак. Маълумот учун айтиш керакки, Тошкент шаҳридаги Ёджу техника институти тўғрисида Ҳукумат қарори мавжуд эмас, лекин Ўзбекистонда фаолият олиб бориш бўйича махсус лицензияси бор.
Яна ҳам қолганига вазирликнинг ўзи батафсил изоҳ берар, ким билсин. Айтмоқчиманки, Ёджу талабалари сира хавотирланмасдан ўқишни давом эттиришлари мумкин.
Каналга уланиш: 👇
https://t.me/joinchat/AAAAAEe1KDC7Hm03UPVooQ
