Вертолётда саёҳат қилиш нархи бўйича маълумот тўғриланди

Мана бу расмдаги нархлар нотўғри экан. Zarnews нашридан олиб, "Daryo" хабар берган эди, бироқ вертолётда саёҳат киши бошига 18 млн. сўмдан тўғри келиши ҳақиқатга тўғри келмас экан.

Zarnews нашри эса, ҳеч нарса бўлмагандай секингина хабарини таҳрирлаб қўйибди.

Кейинчалик Zarnews`нинг худди шу хабарига асосланиб "Халқ сўзи" хабар берди, лекин бу пайтга келиб аввалги нотўғри хабар тўғриланган эди. Сал вақтлироқ ёзгани учун ўртада Daryo жабр чекди, улар тайёрлаган расм аллақачон кўп жойда тарқалиб бўлган эди.

Гапнинг индаллоси, ҳисоб-китобга кўра, саёҳат баҳоси жами 91 миллион 863 минг 536 сўмни ташкил этади. Гуруҳда 1 кишидан 16 (айрим вертолётда 20) кишигача бўлиши мумкин. Агар 16 киши бир вақтда саёҳатга чиққан тақдирда, бир киши саёҳат учун жами бўлиб 5 миллион 741 минг сўм (айни вақтдаги курс бўйича 731 доллар) сарфлаши керак бўлади.

13 млн.га арзонроқ экан хуллас. Вертолётда саёҳат қилиш киши бошига "атиги" 6 млн.га яқин экан холос.

Вертолётда саёҳат янгилик бўлгани учун, тушунмовчиликлар ҳам бўлиб туради, менимча, бу нормал ҳолат.

Каналга уланиш: 👇
https://t.me/joinchat/AAAAAEe1KDC7Hm03UPVooQ