Ухан–Тошкент йўналишида иккинчи чартер рейс қўнди

​​Бугун Ухан–Тошкент йўналиши бўйича иккинчи чартер рейс пойтахтимиздаги халқаро аэропортга қўнди. Унда 84 нафар юртдошларимиз Хитойдан эвакуация қилинди.

Эътиборли томони, бугунги парвозни ҳам худди кечаги каби Uzreport нодавлат телеканали тўғридан-тўғри трансляция қилди.

Аммо ўзбекистонликлар солиқлари эвазига кун кўрадиган Миллий телерадиокомпаниянинг бирорта телеканали ушбу жараённи жонли олиб кўрсатмади. Аслида давлат телеканали сифатида воқеаларни улар биринчи бўлиб ёритиши, керак бўлса Хитойнинг ўзидан репортажлар тайёрлаши, уёқдаги юртдошларимизнинг ҳолати, ўй-ташвишларини узлуксиз ёритиб бориши керак эмасмиди?

Қачонгача МТРК замондан орқада қолиб яшайди? МТРКдан биз тўлаган солиқларга яраша талаб даражасида ишлашни, сал замонни ҳис қилишни, эски даврлардаги каби тошбақага ўхшаб бошини уйчасининг ичига тиқиб олмасликни талаб қиламан. Солиқ тўловчи сифатида бунга тўлақонли ҳаққим бор.

👉 @xushnudbek 👈