Транспорт воситаларини техник кўрикдан ўтказиш тартиби

Транспорт воситаларига техник кўрикдан ўтганлиги тўғрисидаги талонларни бериш амалиёти бекор қилинади

Ҳукуматнинг тегишли қарори (№125, 09.03.2021 й.) асосида жисмоний шахсларга тегишли бўлган М1 тоифадаги транспорт воситалари фақат тадбиркорлик субъектлари томонидан техник кўрикдан ўтказиш тартиби жорий қилинади.

Шунингдек, қарорга биноан 2021 йил 1 сентябрдан бошлаб хорижий давлатларга чиқадиган транспорт воситаларидан ташқари барча транспорт воситаларига техник кўрикдан ўтганлиги тўғрисидаги талонларни бериш амалиёти бекор қилинади.

Техник кўрикдан қанча муддатда ўтказилади?

Қарор билан тасдиқланган Низомга кўра, транспорт воситалари қуйидаги даврийликка мувофиқ техник кўрикдан ўтказилиши керак:

👉 тижорат асосида йўловчилар ташиш фаолияти билан шуғулланувчи енгил автомобиллар, автобуслар, троллейбуслар, трамвайлар ва ўриндиқлар сони 8 та ва ундан ортиқ бўлган (ҳайдовчининг ўрнидан ташқари), одамларни мунтазам ташиш учун жиҳозланган юк автомобиллари, йирик габаритли, оғир вазнли ва хавфли юкларни ташиш учун махсус транспорт воситалари ва уларнинг тиркамалари - бир йилда икки марта;
👉 ишлаб чиқарилганига олти йилдан кўп бўлмаган транспорт воситалари - икки йилда бир марта;
👉 ишлаб чиқарилганига олти йилдан ортиқ бўлган, шунингдек, ишлаб чиқарилган вақти аниқ бўлмаган транспорт воситалари - бир йилда бир марта;
👉 тиркамалар техник кўрикка транспорт воситаси - шатакчи учун белгиланган муддатларда;
👉 навбатдаги техник кўрикдан ўтказишнинг илгари ўрнатилган муддатларидан қатъи назар, уларни ДЙҲХХ органларида рўйхатдан ўтказиш (қайта рўйхатдан ўтказиш) вақтида.

❗️Янги транспорт воситалари ДЙҲХХ органларида рўйхатдан ўтказишда техник кўрикдан ўтказилмайди.

Каналга уланиш:
➡️ @uzauz