Тошкентда аёллар бизнес ҳафталиги бўлиб ўтади

“Тадбиркор аёл” ассоциациянинг ташкил топганига 30 йил тўлиши ҳамда 19 ноябрь – Халқаро аёллар тадбиркорлиги куни муносабати билан 15-19 ноябрь кунлари пойтахтимизда аёллар бизнес ҳафталиги бўлиб ўтади.

Унда аёлларнинг ҳуқуқий-иқтисодий имкониятларини кенгайтириш, гендер тенглиги, кичик ва ўрта бизнеснинг иқтисодиётдаги ўрни ва тадбиркор аёлларнинг илғор тажрибаларини оммалаштириш масалалари муҳокама этилади.

Хусусан, тадбир доирасида маҳорат дарслари, онлайн семинарлар, “Покистон ва Ўзбекистон ишбилармон аёллари бизнес алоқалари истиқболлари” мавзусида халқаро онлайн конференция, “Аёлларнинг иқтисодий ҳуқуқ ва имкониятларини кенгайтиришга муваффақиятли ёндошувлар: Ўзбекистон ва жаҳон ҳамжамияти тажрибаси” мавзусида халқаро конференция, “Анор” Миллий кўрик танлови ғолибларини тақдирлаш ва юбилей маросимлари ўтказилиши режалаштирилган.

👉 @xushnudbek 👈