Тошкент метросида мобил алоқа ишга туширилади
Метрода ишлайдиган мобил алоқа
Кеча «ICTWEEK Uzbekistan-2019» ахборот-коммуникация ҳафталиги доирасида ташкил қилинган анъанавий ICTEXPO кўргазмасига бордим. Ҳаммаёқ инновация, энг сўнгги янгиликлар, алламбало технологиялар... Уларни кўриб, наҳотки шунақа замонавий жамиятда яшаётганимиз рост бўлса, дея ҳайрон қолади одам. Лекин кўргазмадан қайтиб, кўчага чиқсанг, яна ўша эски тешик тоғора билан ўтирган чол ва кампирга кўзинг тушади ))
Кўргазмада Ucell компанияси бош директори Владимир Кравченко билан кўришдим, қисқагина суҳбатини олдим. Эсдалик учун расмга тушдик (сурат пастда). Қоракўллик шикоятчи мижознинг уйига шахсан бориб, телефон совға қилинган видео зўр чиққани, ижтимоий тармоқда кўпчиликка ёққани ҳақида айтдим. «Ҳа, ака, халқ билан яқин бўлсак яхши-да, ўзи кутилмаганда бўлиб кетди ҳаммаси» дея соф ўзбек тилида изоҳ берди Владимир акамиз 👍
Айтганча, ортимизда нима учун метро расми бор дейсизми? Чунки Ucell тез орада Metrotelecom билан ҳамкорликда Тошкент метрополитенининг «Амир Темур хиёбони» ва «Мустақиллик майдони» бекатларида мобил алоқани ишга туширар экан. Йил якунигача метронинг барча бекатларида мобил алоқани ишлатиш режалаштирилаётган экан. Ажойиб янгилик, шундай эмасми?! Қолган мобил операторларда ҳам ишлайдими, йўқми, бунисини билмадим лекин.
Нега метро бунақа тез юриб кетяпти, дейсизми? Чунки Ucell 5G технологиясини ишга тушираётган экан, ўшанчун графикада метро вагонлари жуда тез юриб кетмоқда.
P.S.: мен ҳам Ucell вакилларига уйимизда интернет ишламаётганлиги ҳақида эътироз қолдирдим. Зора менинг ҳам уйимга келиб, телефон бериб кетишса. Айтганча, Ucell'дагилар учун эслатма: мен фақат iPhone ишлатаман 😄
👉 @xushnudbek 👈