Ўқитувчилар учун UzAuto Motors акциясидаги муаммо ҳал этилди
Ўқитувчилар диққатига
Бугун эрталаб @davletovuz каналида ўқитувчилардан келган қуйидаги мактуб эълон қилинганди:
«Ассалому алайкум!
UzAuto Motors компанияси эълон қилган акция бўйича бир муаммо ҳаммада юзага келиб чиқаяпти! Умумтаълим мактаб ўқитувчисининг иш жойидан олиб борган МАЪЛУМОТНОМАСИ ўтмайди, деб салонлар қайтараяпти. Салоннинг талаби бўйича РАЙОНОдан олиб келиш керак.
РАЙОНО эса биз маьлумотнома бермаймиз, деб қайтараяпти.
Ўқитувчилар сарсон-саргардон”.
Вазирлик муносабати
Бунга жавобан бироз олдин Халқ таълими вазирлиги Матбуот хизмати муаммо ҳал бўлганини маълум қилди. Хусусан, хабарда шундай дейилади:
“Ижтимоий тармоқларда UzAuto Motors компанияси эълон қилган акция бўйича ўқитувчилар муаммога дуч келаётгани ҳақида маълумотлар тарқатилди.
Ўзбекистон Республикаси Халқ таълими вазирлиги UzAuto Motors компанияси билан мазкур масала бўйича музокара олиб борди.
Музокара натижасига кўра, ушбу масалага ойдинлик киритилди. Яъни, умумтаълим мактаб ўқитувчиси иш жойидан олиб борган маълумотномани дилерлар қабул қилади.”
👉 @xushnudbek 👈