ТДИУ талабалар учун эркин форма масаласига ойдинлик киритди
ТДИУ ахборот хизматининг маълум қилишича, “Халқ сўзи Online” нашри форма масаласида бироз нотўғри хабар берган эмиш. Яъни нашрнинг “энди талабалар исталган кийимда келиши мумкин” деган жумласи ҳақиқатга мос келмас экан.
Яъни талабаларнинг кийиниши бўйича эркинлик берилгани рост, аммо бу истаган кийимни кийиш мумкин, дегани эмас экан.
Умуман олганда, бу ҳайрон қоларли янгилик эмас. Бутун дунёда ҳам шунақа, эркин форма дегани, бу талаба истаса шиппакда, истаса шортикда, истаса ич кийимда келиши мумкин дегани эмас.
Эркин форма, бу - умумий чегаралар ичида исталган формада келишни англатади. Эркин форма жорий қилинган жойда, биздагига ўхшаб “галстугинг қани?”, “нега кўйлагинг ранги оқ эмас?”, “нега пайпоғинг калта?” деган саволлар берилмайди холос.
Аммо муаммо шундаки, “эркинлик” деган сўзни бизда иккала тараф ҳам бўрттириб қабул қилади. Айрим масъуллар талабага эркинлик берсак, яланғоч келмасмикин, деб хавотир олади. Айрим талабалар эса, эркинлик берилди деса, яланғоч борсам бўларкан-да, деб қабул қилади. Қарабсизки, мана шунақа хавотирлар остида барча эркинликларга тақиқ қўйилаверади. Ҳолатни бўрттирмасдан, борича қабул қилавериш керак.
Майли, ҳар не бўлсада, Иқтисодиёт университетидаги ўзгаришлардан хурсандман.
P.S.: юқоридаги “коса тагида - нимкоса” қабилида ёзилган постни кўпчилик тушунмай, мени мажбурий форма ва 6 кунлик ўқиш тарафдори деб ўйлабди 🙈
Ҳар сафар сарказм билан пост ёзсам, унга реакцияларни кўриб, хафа бўлиб кетаман. Ёшларимизнинг
сал таҳлил қилиб, ўйлаб ҳам кўрмасдан, нимани ўқиса, шундай қабул қилиш одатини қандай йўқотиш мумкин? Уларнинг мантиқий фикрлашини ошириш учун нима қилса бўлар экан-а?
👉 @xushnudbek 👈