Нархозда ўқиш 5 кунлик бўлади ва форма бекор қилинди
«Нархоз»да ўқиш 5 кунлик бўлади, форма бутунлай бекор қилинди
«Халқ сўзи Online» хабар беришича, бугун, 22 ноябрь куни университетнинг янги ректори Конгратбой Шарипов профессор-ўқитувчилар иштирокидаги йиғилишда университетда жорий этилаётган янги тартиб ҳақида маълум қилган.
Эндиликда, келаси ҳафтанинг душанба кунидан бошлаб (25 ноябрь) университетда ўқиш ҳафтаси беш кунлик этиб белгиланди ва мажбурий форма ҳам бутунлай бекор қилинди.
«Энди талабалар ўқишга исталган кийимида келиши мумкин. Ҳеч ким уларни кўйлак кийишга, галстук тақишга мажбурламайди», дейилади хабарда.
Ноябрь ойининг бошида Иқтисодиёт университетида «катта тозалаш» ишлари бошлангани ҳақида хабар берилган эди. Университетнинг аввалги ректори Баҳодир Ҳодиев ишдан олиниб, унинг ўрнига Олий ва ўрта махсус таълим вазирининг биринчи ўринбосари Конгратбой Шарипов тайинланганди.
👉 @xushnudbek 👈
