ТАТУда ўқитувчиларни моддий рағбатлантириш тизими

Юқоридаги Низом бўйича ТАТУда жорий этилган моддий рағбатлантиришлар (қолган ОТМларда ҳам шундай бўлса қанийди):

Сертификатга эга ва мутахассислик фанларидан чет тили (инглиз тили)да дарс ўтаётганда лавозим маоши миқдорида қуйидагича устама ҳақ миқдори берилади:

IELTS: 5 баллдан 6 баллгача - 25%;
6 балл ва ундан юқори - 50%.

TOEFL IBT: 35 баллдан 78 баллгача - 25%;
78 баллдан 120 баллгача - 50%.

TOEFL Paperbased: 417 баллдан 547 баллгача - 25%;
547 баллдан 677 баллгача - 50%.

Мутахассислик фанларидан чет тилида дарс бераётган профессор- ўқитувчиларга - 20%.

Илмий даражадагилар лавозим маошига қуйидагича микдорда устама ҳақ олади:

Чет эл университетининг магистр дипломи ТОП 1000 - 150%;
Чет эл университетининг докторлик (PhD) дипломи ТОП 1000 - 300%;
Чет эл университетининг магистр дипломи ТОП 100 - 300%;
Чет эл университетининг докторлик (PhD) дипломи ТОП 100 - 350%;
фан номзоди ёки фалсафа доктори (PhD) илмий даражасига ёки хорижий давлатларнинг унга тенглаштирилган бошқа илмий даражаларига ёки доцент илмий унвонига эга бўлган - 50%;
фан доктори (Doctor of Science) илмий даражасига ёки хорижий давлатларнинг унга тенглаштирилган бошқа илмий даражаларига ёки профессор илмий унвонига эга бўлган - 75%.

Чоп этилган ҳар бир мақола учун муаллиф(лар)га қуйидагича бир марталик (меҳнатга соатбой ҳақ тўлаш миқдорларидан келиб чиқиб ҳисобланади) тўлов берилади:

ОАК рўйхатида келтирилган хориждаги нуфузли журналларда - 50%;
“Scopus” ҳамда “Web of Science” рўйхатидаги илмий журналларда - 200%;

Бир марталик тўловлар:

Илмий ишланмага олинган патент учун - 100%;
ОТМ миқёсида чоп этилган ҳар бир тезис учун - 5%;
Республика миқёсидаги анжуманларда чоп этилган ҳар бир тезис учун - 10%;
ОТМ миқёсида чоп этилган ҳар бир мақола учун - 15%;
ОАК рўйхатидаги журналларда (Республика миқёсида) чоп этилган ҳар бир мақола учун - 30%;
Халқаро миқёсдаги анжуманларда чоп этилган ҳар бир тезис учун - 20%;
Дастурий ёки техник ишланма учун олинган гувоҳнома учун - 30%.

Илмий даража олган профессор-ўқитувчи ва илмий маслаҳатчисига лавозим маошига қуйидагича бир марталик рағбатлантириш берилади:

фалсафа доктори (PhD) илмий даражаси олинганда:
профессор-ўқитувчига - 300%;
илмий раҳбарига - 300%.

фан доктори (DSc) илмий даражасини олинганда:
профессор-ўқитувчига - 350%;
илмий маслаҳатчисига - 350%.

Янги машқ (масалалар) тўплами ва лаборатория, амалиёт бўйича услубий қўлланмаларни ишлаб чиқиш, ёзиш ва нашр этиш - 40%.

Яратилган ҳар бир иш учун қуйидагича бир марталик рағбатлантириш миқдори:
Видеомашғулотлар (фан доирасида) тайёрлаш ва жорий этиш - 20%;
Виртуал лаборатория ишини тайёрлаш ва жорий этиш - 20%;
Электрон дарсликлар яратиш - 50%.

Президент ва номдор стипендияларга сазовор бўлган талабани тайёрлаган ёки фан олимпиадаларида юқори натижаларга эришган талабаларга илмий раҳбарликни амалга оширган профессор-ўқитувчиларга 100% лавозим маоши миқдорида бир марталик рағбатлантириш берилади.

Халқаро фан олимпиадаларида юқори натижаларга эришган талабаларга раҳбарликни амалга оширганда эса - 150%.

Маънавий-ахлоқий ва тарбиявий ишларни ҳамда тюторлик ва эдвайзерлик фаолиятини бажарганликлари учун 25% гача миқдорида устама ҳақ миқдори белгиланади.

Каналга уланиш: 👇
https://t.me/joinchat/AAAAAEe1KDC7Hm03UPVooQ