Таълим соҳасидаги янгиликлар ва имтиҳон тартиби
Xushnudbek.uzMatn1 daqiqa0tahrirlanganManba:Times.uz
Бугун АОКАда таълим масалалари бўйича ўтказилган брифингда Олий ва ўрта махсус таълим вазири Ином Мажидов томонидан айтилган муҳим маълумотлар.
〰️〰️〰️〰️
🚫 Карантин даврида ўқув йили учун тўлов-контракт пулларини тўлиқ тўлашга улгурмаган талабалар ўқишдан четлатилмайди. Бу битирувчи курс талабаларига ҳам тааллуқли.
🗝 Тўловларни тўлиқ амалга оширмаган битирувчи курс талабалари шартли равишда, истисно тариқасида, якуний назоратларга киритилиши мумкин.
📕 Лекин олий таълим муассасасини тугатганлиги тўғрисидаги тегишли диплом улар ўқув йили учун белгиланган тўловни тўлиқ амалга оширганидан сўнг берилади.
〰️〰️〰️〰️
🎓 Магистратура битирувчиларининг магистрлик диссертациялари ҳимоялари ZOOM ёки бошқа дастурлар орқали масофавий шаклда ўтказилади.
〰️〰️〰️〰️
📝 Академик лицейларда якуний давлат аттестациялари тест шаклида ўтказилади. Ўқувчилар "Ўзбекистон тарихи" фани, йўналишлар бўйича чуқурлаштирилган фанлардан иборат 60 та тест асосида масофавий тарзда интернет тармоғидан фойдаланган ҳолда имтиҳон топширади.
〰️〰️〰️〰️
📲 Магистратурага кириш учун ҳужжатлар 1 июлдан 30 июлгача (шу куни ҳам) қабул қилинади. Абитуриентлар электрон тарзда ҳужжат топшириши мумкин.
〰️〰️〰️〰️
🔎 Магистратурага кириш имтиҳонлари карантин тадбирларидан келиб чиққан ҳолда, Низомда белгиланган шаклларда ёки тест шаклида ўтказилиши мумкин.
〰️〰️〰️〰️
Манба 👉 https://t.me/aoka_uz/1678
- 👍 1
