Сувни исроф қилмаслик учун кичик эксперимент
Сиз буни қила оласизми?
кечаги сув мавзусини давом эттириб
Уйидан водопровод суви бемалол оқиб турадиган, ҳурматли юртдошлар!
Келинг, бир эксперимент қилиб кўрамиз. Ҳар куни эрта тонг ва кечки пайт
жўмракдан сувни оқизиб қўймасдан, битта стакан ёки пиёлага сув олиб, ўша билан тишларимизни ювишга одатланамиз.
Бунинг иккита яхши томони бор. Энг аввало ҳар куни 2 маҳал тишларимизни ювишга одатланамиз, бу саломатлигимиз учун кони фойда (кўпчилик бунга риоя қилса керак шундоқ ҳам).
Иккинчидан, сувни ортиқча исроф қилмаслик, камгина сув билан ҳам тишларимизни бемалол ювиш мумкинлигига ўрганамиз.
Сувни исроф қилмаслик учун уни қилайлик, буни қилайлик, деб мингта нарсани санаш ҳам мумкин, аммо келинг, бошланишига шу оддийгина кичик ўзгаришдан бошлай қолайлик. Қийин эмаску, тўғрими?
Ўзимизни мана шундай кичик одатлар билан тарбиялаб борсак ҳам ёмон бўлмасди.
👉 @xushnudbek 👈