Қумқўрғон тумани ҳокими ўринбосари пора билан ушланди

Яна бир ҳоким ўринбосари пора билан қўлга тушди

Бош прокуратура матбуот хизматининг хабар беришича, Департаментнинг Сурхондарё вилоят бошқармаси, вилоят прокуратураси ҳамда вилоят ДХХ бошқармаси ходимлари ҳамкорликда фуқаро М.А.нинг аризасига асосан тезкор тадбир ўтказибди.

Тезкор тадбирда Қумқўрғон тумани ҳокимининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосари Ф.А. фуқаро М.А.дан Қумқўрғон туман марказидан тадбиркорлик фаолиятини юритиш учун 0,08 га. ер майдонини нотураржой сифатида берилишини ваъда қилиб, 5000 АҚШ долларини пора тариқасида олган вақтида ашёвий далиллар билан ушланган.

Мазкур ҳолат юзасидан Ўз.Р.ЖКнинг 210-моддаси 2-қисми “в” банди билан жиноят иши қўзғатилиб, тергов ҳаракатлари олиб борилмоқда.

Яқинда каналим орқали сўнгги 1 ой ичида пора билан қўлга тушган ҳокимлик вакилларининг рўйхатини эълон қилган эдим. Мана, кўп ўтмай улар сафига яна бири келиб қўшилди. "Охирги томчи қонимиз қолгунгача, пора олишда давом этаверамиз" дейишаётгандай гўё, товба қилдим.

Каналга уланиш:👇
https://t.me/joinchat/AAAAAEe1KDC7Hm03UPVooQ