Спорт федерацияларида талон-торож ҳолатлари аниқланди
Спортдаги талон-торожлар
Бугуннинг ўзида 2 та спорт федерациялари мансабдор шахслари маблағларни ўзлаштириш ва талон-торож қилиш билан боғлиқ ҳолат аниқлангани ҳақида ўқидим.
Сузиш федерациясида 1 млрд сўм
Федерация мансабдор шахслари 2021 йил октябрь-декабрь ойларида жами 287 нафар спортчи меҳмонхона хизматидан фойдаланмаган бўлса-да, фойдаланганлик ҳақида электрон ҳисоб-фактураларга сохта ёзувлар киритган ҳолда 1 млрд сўмлик пул маблағи талон-торож қилинган. Шунингдек, Волгоград шаҳрида ўтказилган халқаро йиғинда 72 млн сўм бюджет маблағлари асоссиз ишлатилган.
Волейбол федерациясида 300 млн сўм
Айтишларича, Федерацияга 54 нафар спортчилар билан 23 кунлик ўқув-машғулот йиғини ўтказиш учун бюджетдан 445 млн сўм ажратилган бўлса-да, амалда 10 кун ўқув-машғулот йиғини ўтказилиб, 231 млн сўм бюджет маблағлари ўзлаштирилган.
Бундан ташқари, терма жамоа ва унинг захираси таркибига киритилмаган 29 нафар спортчини турли спорт йиғинларига юборилиб, 75 млн сўм маблағлар асоссиз сарфланган. Ҳозиргача зарарларнинг 120 млн сўми ундирилган.
Ҳар икки ҳолатда ҳам Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.
👉 @xushnudbek 👈
