Солиқ кодексига киритилган ўзгаришлар ҳақида
Солиқ кодексига киритилган ўзгаришлар ҳақида
Бугун «Солиқ ва бюджет сиёсатининг 2019 йилга мўлжалланган асосий йўналишлари қабул қилинганлиги муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги Қонун расман эълон қилинди.
Ушбу Қонун билан Солиқ кодексига ўзгартириш ва қўшимчалар киритилди. Масалан, 2019 йил 1 январдан Ўзбекистон резиденти бўлган жисмоний шахснинг даромадларига, 12 фоизли ставка бўйича солиқ солиниши белгиланди.
Эътиборли томони шундаки, бу янги Солиқ кодекси эмас, шуни кўпчилик адаштиришмоқда.
Янги таҳрирдаги Солиқ кодекси катта эҳтимол билан 2019 йилнинг ўрталарига бориб қабул қилинса керак. Kurbanoff.net каналининг ёзишича, Молия вазири учрашувлардан бирида вақт қисқалиги сабабли 2018 йилнинг охиригача янги таҳрирдаги Солиқ кодексини қабул қилишга улгуриб бўлмаслигини, шу сабабли биринчи босқичда ҳозирги Солиқ кодексига ўзгариш киритиб турилишини маълум қилган. Ва шундай бўлди ҳам.
Бугун эълон қилинган Қонунни мана бу ердан ўқиб олишингиз мумкин.
Каналга уланиш: 👇
https://t.me/joinchat/AAAAAEe1KDC7Hm03UPVooQ