Шавкат Мирзиёев кутилмаганда 41-мактабга ташриф буюрди

Шавкат Мирзиёев: “Ўзимга кўп хулоса қилиб кетяпман"

Олдиндан белгиланган маршрут ўзгариб, Президент кутилмаганда умуман бошқа томонларни айланишни бошлади. “Версал” тўйхонаси орқасида 41-мактаб бор экан. Ўша ерга кириладиган бўлди. Масъулларнинг ҳовлиққанча югуришини кўринг энди.

Дастлаб мактабнинг орқа томонидан кирилгани учун ҳеч ким йўқ бинога кириб, адашиб ҳам қолдик.

Тезда мактаб директорини топиб келишди. Директор опа нима бўлаётганини тушунмай қолди. Эрталаб уйидан мактабимга Президент келади, деб чиқмагани аниқ.

Президент дастлаб спорт зали, кейин ошхонага кирди. Шароит жуда унақа ёмон эмасу, лекин мақтаб ҳам бўлмайди. Спорт залда 5-синф ўқувчиларининг дарси экан. Ўқувчи болаларнинг ҳаяжони юзидан кўриниб турибди.

Шавкат Мирзиёев спорт ва умумий овқатланиш йўналишида масъулларга топшириқлар берди.

Битта жойи шахсан менга ёқди. Президент Бош вазирга қарата: “Тағин камчиликлар учун дарров директорга ёпишманглар, уни айби йўқ. Аслида биз уларга тизим қилиб беришимиз керак” деди.

👉 @xushnudbek 👈