Сенаторлар пропискага оид ўзгаришларни маъқуллади

Сенаторлар пропискага оид айрим ўзгаришлар ҳақидаги қонунни маъқуллади

Ёдингизда бўлса, якшанба куни Давлат дастури 56-бандида белгиланган вазифалар қай даражада бажарилганлиги ҳақида ёзгандим. Ўшанда пропискага оид айрим ўзгаришлар ҳақидаги Қонун лойиҳаси февралдаёқ тайёр бўлгани, лекин ҳали қабул қилинмагани эслаб ўтгандим.

Адлия вазирлигининг «Ҳуқуқий ахборот» каналида маълум қилинишича, Сенаторлар пропискага оид айрим ўзгаришлар акс этган Қонунни маъқуллабди. Бунгача депутат Расул Кушербаев ўз каналида ушбу қонун 30 ноябрь куни Олий Мажлис Қонунчилик палатасида қабул қилингани ва Сенатга юборилганини маълум қилганди.

Ўзгаришларга кўра:
👉 18 ёшга тўлмаган шахсларга ўз вақтида паспорт олмагани учун жазо бекор қилинди;
👉 пропискасиз фуқарони ишга қабул қилгани учун иш берувчиларга бериладиган жазо бекор қилинди;
👉 ходимни ишга қабул қилишда прописка сўраш тартиби бекор қилинди.

Адлия вазирлиги ўз навбатида ушбу Қонун кучга кириши учун Президент томонидан имзоланиши ва белгиланган тартибда расман эълон қилиниши лозимлигини эслатиб ўтди.

Шундай қилиб, 2018 йилга мўлжалланган Давлат дастурининг пропискага оид 56-банди ижроси қуйидагича кўриниш олмоқда:

БАЖАРИЛДИ:

✅ паспорт олиш, таълим олиш, меҳнат қилиш ва бошқа ҳуқуқларни амалга оширишда прописка билан боғлиқ чекловларни бартараф қилиш;
✅ вояга етмаган шахснинг белгиланган муддатда паспорт олмаганлиги учун маъмурий жавобгарликни бекор қилиш;
✅ меҳнат муносабатлари жараёнида паспорт тизими қоидаларига риоя этмаганлик учун иш берувчининг маъмурий жавобгарлигини бекор қилиш;
✅ вақтинча ёки доимий пропискасиз ёхуд турган жойи бўйича ҳисобда турмасдан яшаганлик учун маъмурий жазо чораларини енгиллаштириш, яшашга йўл қўйганлиги учун жавобгарликни бекор қилиш назарда тутилади.
✅ мавсумий ишларга (қурилиш, қишлоқ хўжалиги ва бошқа соҳаларда) жалб қилинганларни вақтинчалик рўйхатга олиш тизимини соддалаштириш, улар учун уй-жой ижараси, уй-жойдан текин фойдаланиш битимини тузиш талабини бекор қилиш;
✅ ички туризмни ривожлантириш мақсадида вақтинча пропискасиз (яшаш жойи бўйича ҳисобга турмасдан) бўлиш муддатини узайтириш;

ҚИСМАН БАЖАРИЛДИ:

✅❌ Тошкент шаҳри ва вилоятида доимий пропискага эга бўлган фуқаролар учун кўчмас мулк сотиб олиш бўйича амалдаги талабларни соддалаштириш;

ҲОЗИРЧА БАЖАРИЛМАДИ:

❌ Тошкент шаҳри ва вилоятида доимий пропискага эга бўлмаган фуқаролар учун асоссиз спекуляциянинг олдини олиш чораларини кўрган ҳолда иккиламчи бозордан кўчмас мулк сотиб олишга бўлган чекловларни бекор қилиш.

Каналга уланиш: 👇
https://t.me/joinchat/AAAAAEe1KDC7Hm03UPVooQ