Президент тадбиркорлар учун кредит тизимини ислоҳ қилмоқда
Xushnudbek.uzVideo3 daqiqa0Президент тадбиркорлардан келган 15 мингдан ортиқ мурожаатларни ўқиб чиқиб, ўз таклифларини билдирмоқда.
Дастлабки таклифлар банкларни ривожлантириш орқали тадбиркорликка ёрдам бериш ҳақида бўлмоқда.
Жумладан, банклар четдан ресурсни қандай валютада жалб қилишидан қатъи назар, тадбиркорларга кредитни миллий валюта – “сўм”да ва бизнес вакиллари учун мақбул фоизларда бериш тизими йўлга қўйилади.
Шунингдек, бундан буён, Ҳукумат томонидан халқаро молия ташкилотларидан жалб қилинаётган имтиёзли маблағлар ҳисобидан, банкларга бериладиган кредитларнинг муддатини чеклаш амалиёти бекор қилинади.
Яна бир ташаббус: жорий йил 1 октябрдан бошлаб, илгари 1 миллион долларгача хорижий валютада олинган 6 мингга яқин тадбиркорнинг жами 1 миллиард долларга яқин кредитлари, тадбиркор ва тижорат банклари ўртасидаги келишувга асосан, миллий валютага ўтказиб берилади.
👉 @xushnudbek 👈
