Президент стрит-артни мақтади, ҳокимлик эса ўчирди

1️⃣-видео: Шавкат Мирзиёев Янгиҳаёт туманидаги кўп қаватли уй деворига чизилган суратни мақтади:

«Менга бу ёқади. Нега ҳаммаёққа шундай қилмайсизлар? Жуда чиройли бўлибди. Бу ҳам одамнинг кайфиятига ижобий таъсир қилади», — деди Президент.

2️⃣-видео: аноним стрит-арт рассом Inkuzart Чилонзордаги бино деворига машҳур олим Эйнштейннинг графитисини чизганди. Шу суратни ҳокимлик ўчириб ташлабди.

Нега ўчирдинглар, дейишса, бу бино яқинда бузилиши керак, ўшанчун суратни ўчирдик, дебди Чилонзор ҳокими ўринбосари.

Бу гапни эшитиб, мантиқ уялиб кетди. Хўп, агар ўша бино бузилса, сурат билан бирга бузилиб кетаверсин. Нега ўчириш керак эди?

Менда бошқа тахмин бор. Суратни ўчирган ҳокимлик вакиллари Эйнштейн кимлигини танимаса ҳам керак. Бу сочлари пахмоқ, мўйловли одам ва унинг ёнидаги алламбало ёзувлар ёшларимиз маънавиятини бузяпти, деб ўйлашгандир.

Шу жойига Эйнштейннинг бир гапи эсимга тушиб кетди:

“Коинот ҳамда инсоният аҳмоқлигининг чегараси йўқ. Лекин биринчисига сал шубҳам бор”.

👉 @xushnudbek 👈