Хусусий қўриқлаш агентликлари фаолияти тикланиши мумкин
Ўзбекистонда яна хусусий қўриқлаш агентликлари фаолиятига рухсат берилиши мумкин
Норматив-ҳуқуқий ҳужжатлар муҳокамаси порталига жойланган «Давлатнинг иқтисодиётдаги ролини янада камайтириш чора-тадбирлари тўғрисида»ги Президент қарори лойиҳасида шу ҳақда кўзда тутилган. (https://regulation.gov.uz/ru/documents/2303)
Лойиҳа 2019 йилнинг 1 январидан 27та давлат функцияларини, жумладан, қўриқлаш хизматларини (стратегик, давлат объектарини қўриқлаш бундан мустасно) кўрсатишни хусусий қўлларга ва фуқаролик жамияти институтларига беришни таклиф этмоқда.
Маълумот учун, Ўзбекистонда хусусий қўриқлаш агентликлари 2014 йил 1 февралгача мавжуд бўлган — ўшандан буён қўриқлаш фаолияти билан фақат Ички ишлар вазирлиги ҳузуридаги «Қўриқлаш» бирлашмаси шуғулланади, у компанияларга шартнома асосида хизматлар кўрсатади.
Қонун лойиҳасида ушбу тартибни бекор қилиб, мазкур фаолиятни лицензиялашни жорий қилиш таклиф этилган. Лойиҳа 27 майгача муҳокама қилинади.
- 👎 6
