МТРК етказиб бериш хизматларини бепул реклама қилади

Зарур маҳсулотлар ва хизматларни уйга етказувчи тадбиркорлар ТВда бепул реклама қилиниши мумкин

Миллий телерадиокомпания раиси Алишер Хаджаевнинг маълум қилишича, коронавирусга қарши курашни қўллаб-қувватлаш ҳамда Ўзбекистон фуқароларини ҳозирги даврда уйда ўтиришларини рағбатлантириш мақсадида МТРК янги акция бошлади.

Унга кўра, зарур маҳсулотлар ва хизматларни уйга етказиш фаолияти билан шуғулланувчи тадбиркорлик субъектлари ҳақидаги реклама эълонлари эпидемиологик вазият барқарор бўлгунига қадар МТРК телеканалларида бепул жойлаштирилади.